Iroqda IShID jangarilari tomonidan mamlakat Oliy saylov komissiyasining 300 dan ortiq xodimi o‘ldirilgan. Mamlakat rasmiylari bergan ma’lumotga ko‘ra, qurbon bo‘lganlarning kamida 50 nafari ayollardir, deb xabar qiladi “Exo Moskvi”.

Oldinroq Iroq saylov komissiyasi BMTga murojaat qilib, mamlakatdagi ommaviy qatllarga barham berishni so‘ragandi. Saylov komissiyasi xodimlari IShID jangarilari tomonidan bir yil oldin qo‘lga kiritilgan Mosul shahrida o‘ldirilgan. Bir yildan beri jangarilar 2000 dan ortiq kishini ommaviy ravishda qatl etdi.