"Универсал жампинг" от спорти клубида Мустақиллигимизнинг 24 йиллигига бағишланган тўсиқлардан сакраб ўтиш бўйича мусобақа бўлиб ўтди.

7 ва ундан катта ёшли отлар мусобақасида "Арслон" лақабли тулпори билан иштирок этган Тимур Садиқов биринчи ўринни қўлга киритган бўлса, Умид Камилов ("Каре ролл" лақабли оти) ва Ғайрат Назаров (Кватро-Джуниф) кейинги ўринларни банд этди.

Шунингдек, 5-7 ёшли отлар баҳсида Ҳуршид Алимджанов ("Кардон Бдю"), ғолибликни қўлга киритган бўлса, Бекзод Қурбонов ("Артур") ва Оқил Собиржонов ("Лотло") иккинчи ва учинчи ўринларни банд этди.

Ҳаваскорлар беллашувида Олим Валижонов ("Арслон") барча рақибларини ортда қолдирган бўлса, Баҳром Ғозиев"Элоиз" ва "Кул Кариума" лақабли отлари билан кучли учликка якун ясади.

Беллашувлардан фоторепортаж

источник  sports.uz